2020 - yil bahor - yoz mavsumi uchun urfga kiradigan 10 ta uslub.
Keling bugun moda haqida gaplashamiz. Karantin bo'lishiga qaramasdan xotin qizlarimiz kelayotgan yoz mavsumining modasi haqida unutmagan bo'lishsa kerak. Bugun 2020-yilgi bahor yoz mavsumida modaga kiradigan liboslar o'ntaligini sizga taqdim qilmoqchiman. Shunga qarab keyingi darslarda nimalar bichishni o'rganishimiz lozimligini belgilab olamiz.
Loyihamiz rivojiga hissa qo'shing, arzimas 5 yoki 10 ming so'm va juda ko'p foydali darslar olishimizga va millionlab insonlarning hunar o'rganishiga sabab bo'la oladi!
8600 3129 8307 8979 - Zarina Aminova.
OQSHOM MALIKASI OBRAZI
Bu yil bel qismi siqib,bo'ksa qismiga drapirovka, taxlama va burmalar bilan urg'u berilgan ko'ylaklar, yubkalar modaga kirib kelishi kutilmoqda.
ODDIY POLO - ZAMONAVIY POLO
Oxirgi yillarda polo futbolkalar oddiylikning zamonaviy qiyofasi sifatida aks etib kelmoqda. Bu yil ham pololar yangi-yangi uslublar bilan qorishib yanada sevimli obrazga aylanadi.
QADRDON DENIM
Menimcha har bir qizning garderobida 1 ta bo'lsa denim uslubidagi kiyim bo'lsa kerak. Klassikaga aylanib ulgurgan bu uslub o'z o'rnini hech ham bo'shatgisi yo'q. Bu yil dizaynerlar Denim faqat Denim bilan degan g'oyani ilgari surishmoqda.
QIZIL OBRAZ
Agarda siz bu yil, tadbirlarga, oqshomlarga borishni rejalashtirayotgan bo'lsangiz - yoqut, qirmizi, yorqin qizil rangli liboslarni bemalol tanlashingiz mumkin. Chunki dizaynerlar bu yil shu ranglar modaga shiddat bilan kirib kelishini aytishmoqda.
KIBOR YELKALAR
Kibor xonimlari uslubini esga soluvchi fonarik yenglar bu yil modaga yaqqol kirib kelishi kutilmoqda. Bu noodatiy yenglar o'zingiz uchun tanlayotgan obrazni yanada zamonaviy va o'ziga xos qilishingizga yordam beradi.
OQ VA QORA HAMISHA YONMA-YON
Oq-qora katakli liboslar, oq qora yo'l yo'l liboslar ham o'z o'rnida urfda bo'lishi aytilmoqda. Dizaynerlar bu yil jiddiy uslubni sevuvchilar uchun juda ajoyib obrazni taklif qilishmoqda.
KRUJEVA VA GIPYUR
Bu obrazni nozik hilqat vakillari juda xush ko'rishlarini, dizaynerlar yaxshi bilishadi. Bu yilgi bahor yoz mavsumi modasini krujevali va gipyurli liboslar bezab turipti.
ZAPAXLI KIYIMLAR
Zapaxli kiyimlar xoh ko'ylak bo'lsin xoh yubka, har qanday qomatdagi ayolga yarashishi bilan tahsinga loyiq. Zapaxlar bu yil ham moda markazida bo'lishadi.
KICHIK GULCHALAR
Kichik gulchali ko'ylaklar ham bu yilgi moda markazida bo'lishi kutilmoqda. Siz eng oddiy matoni xarid qilib darslarimizda o'rgatilgan andozalar orqali eng zamonaviy ko'ylakni o'zingiz uchun tikib olishingiz mumkin.
PORLOQ YULDUZ OBRAZI
Va nihoyat tilla rangga ham yetib keldik,Agar siz yulduzdek porlashni xohlasangiz tilla rangli ko'ylaklarni bu yilgi mavsumda bemalol tanlab kiyishingiz mumkin. Ko'zni qamashtiruvchi obrazlar bu yil ham modada.
