2021 - bahor - yoz mavsumida urfga kirishi kutilayotgan ranglar!

2021 - bahor - yoz mavsumida urfga kirishi kutilayotgan ranglar bilan tanishib chiqamiz. Ko'zni quvontiruvchi yorqin ranglar uyg'unligi hayotga qizg'in va yuqori kayfiyat bilan yondashishimizga ko'maklashsa ajab emas.

1. Apelsin ragini eslatuvchi qaynoq sariq rang sizni yanada harakatchan, energiyaga boy inson bo'lishga chorlaydi.

2. Och moviy rang! Musaffo osmon tiniqligi qalbingizga kirishini istasangiz bu kabi rangdagi liboslarni bu mavsumda kiyib istagingizga yana 1 qadam yaqin boring.

3. Zangsimon rang - bu rangning nomi juda shoirona bo'lmasa ham va hatto jilolanishi kuzgi xazonlar rangini eslatsa ham, dizaynerlar bahorgi obrazimizni yanada boyitish uchun ushbu rangni bemalol qo'llashimizni aytishmoqda.

4. Yorqin sariq rang - Quyoshning yorqin nurlarini eslatuvchi bu rang garderobimizda quyosh kabi porlab ko'zlarimizni quvontirishi tabiiy.

5. Bu rangni dunyoda Fransuzcha ko'k deb tanishadi, bu yilgi bahor - yoz mavsumida ham bu rang bizga yaqin hamrohlik qilishi aytilmoqda.

6. Sutga chayilgandek yashil rang! Bu rangga qaraganda ko'zlar orom oladi, qalb esa tetiklashadi...

7. Marjon rangi - yorqin va yoqimli bu rangdagi liboslar bu yil moda markazida bo'lishini ekspertlar ishonch bilan ta'kidlashmoqda!

8. Yalpiz tusli yashil - ya'ni sovuq yashil rang. Iliq kunlarda yalpiz ta'midagi kabi salqinlikni his qilishga bu rang yordam bera olarmikan siz nima deb o'ylaysiz???

9. Siyohrang orhideya - bu rang bahor-yoz kolleksiyasining bezagi. Ushbu ekzotik gul zamonaviy o'nta rangga o'ziga xoslik va hashamat bag'ishlaydi.

10. Qirmizi rang - Bu chiroyli rangda libos kiyib bir vaqtning o'zida ham quvnoq, ham salobatli, ham nafosatli ko'rinishga ega bo'lasiz.

Unutmang! Bular shunchaki tavsiya xolos. Eng yaxshi kiyim bu - sizga doimo yarashib turadigan kiyimdir!