26 - Dars: Yaproq shaklidagi bolalar to'shamasini bichish va tikish bosqichlari.
Kuz keldi! Barglar to'kilyapti... Ammo, biz bugun siz bilan sarg'aymaydigan, so'limaydigan, to'kilmaydigan va yuvib - yuvib foydalaniladigan yaproq bilan tanishamiz.
Loyihamiz rivojiga hissa qo'shing, arzimas 5 yoki 10 ming so'm va juda ko'p foydali darslar olishimizga va millionlab insonlarning hunar o'rganishiga sabab bo'la oladi!
8600 3129 8307 8979 - Zarina Aminova.
Bu yaproqni tikish uchun bizga :
1,5 metr mato;
70 - 80 cm metrli sintefon;
Shakl va o'lchamlarni ixtiyoriy qilishingiz mumkin, bu yerda berilgan o'lchamlar qiyosiy berilgan.
Bichish tajribasi katta bo'lmaganlar shu o'lchamlarga asoslanib yaproq andozasini tayyorlashlari mumkin.
Yaproq shaklida andoza tayyorlanadi.
Qaviq uchun tikiladigan chok chiziqlarini angozaning o'ziga chizb chiqiladi.
1,5 cm chok haqqi berib 2 qavat mato bichiladi.
Mana shu qalinlikdagi sintefondan yaxshi yaproq to'shama chiqarish mumkin.
Sintefon chok haqqisiz bichiladi.
Andozaga qaviq chiziqlarini tushurish uchun, chizgan chiziqlarimiz bo'ylab andoza kesib chiqiladi.
Andozada chizilgan qaviq chiziqlarini matoga avayab orasta qilib tushuriladi. Bo'rdan ko'ra sovunda chizgan qulayroq.
2-qavati ustiga qo'yib tikib olinadi.
O'girish oson bo'lishi uchun oval choklarga kertma qirqimlar beriladi. Yon tomonidan sintefon solish uchun joy qoldirib ketiladi va shu yerdan o'girib sintefon solinadi.
Tushurib olgan chiziqlarimiz bo'ylab mashinkada qavib chiqamiz.
To'shama ko'rpacha shaklini fantaziyaga qarab turlicha qilish mumkin.
Natijalardan zavqlanamiz!!!
Man bizning sarg'aymaydigan so'limaydigan yaproqchalarimiz. Umid qilamanki albatta tikib ko'rasiz!